Healthy marraige :: Gesonde huwelik

LIEFDE IS ‘N KEUSE

burgerjonandaLeave a comment

Deur Jonanda Burger

Soveel van ons het ’n verkeerde idee oor wat die liefde werklik is. Ons word groot met die televisie en flieks waarin liefde slegs as ’n gevoel weerspieel word . Ons leer dat as dié gevoel weg is ons nie meer die ander persoon lief het nie.

Alhoewel dit waar is dat liefde ’n gevoel is, is dit maar een derde van wat liefde werklik is. Daar bestaan drie tipes liefde:

Eros liefde is romantiese liefde. Dit is wanneer mense sê: “ek is verlief” en verwys na enige iets vanaf skoenlappers in die maag tot sterk sensuele passie. Volgens Newton (2002) is daar drie interessante eienskappe van Eros liefde. Eerstens, Eros se bestaan hang af van die situasie en omstandighede. So lank as was ‘n paartjie ‘n romantiese situasie geniet kan Eros liefde seëvier. Maar sodra verkeerde woorde of aksies geuiter word of ‘n uitdagende oomblik beleef word verdwyn Eros liefde net eenvoudig.

Tweedens, Eros word ook bepaal deur elke persoon se persepsie. As iemand ‘n stil aandete met kerslig as romanties beskou sal Eros liefde sterk brand. Maar die passie sal vernietig word sodra die huidige situasie ongewens is. Eros liefde ontvlam en verdwyn weer sommer soos ons persepsies verander.

Eros liefde kan nie ‘n betroubare basis gee waarop mens ‘n diep en doel volle verhouding kan bou nie omdat dit so maklik beïnvloed word en kan verander. Omdat daar onbeheerbare situasies in mens se lewe opduik soos siekte en ongelukke is dit onvoorkombaar dat elke situasie nie romanties ervaar gaan word en Eros liefde dus nie beleef gaan word nie.

Alhoewel Eros liefde mens goed laat voel en dit lekker is, is dit dus baie gevaarlik om mens se huwelik te bou op Eros liefde omdat dit tydelik is en so maklik beïnvloed kan word.

Philo liefde kom van die naam Philadelphia wat die stad van broederlike liefde is. Philo liefde verwys na broederlike en vriendskaplike liefde. Dit is om saam met daardie mense te wees wat jy geniet.

Philo liefde is wonderlik en moet geoefen en toegepas word in die huwelik. ‘n Egpaar kan mekaar se beste vriende wees, saam aktiwiteite beoefen en tyd saam geniet. Maar die huwelik moet nie alleen op Philo liefde gebou word nie. Dit word ook beïnvloed deur situasies en ander mense se persepsies en verwagtinge. Ons almal is seker bekend met ‘n vriendskap wat dood geloop het as gevolg van tyd, afstand, woorde ens.

Dan is daar Agape liefde. In teenstelling met die b.g. twee tipes liefde word Agape liefde nie beïnvloed deur situasies, omstandighede en mense se persepsies nie. Die rede hoekom Agape liefde bo hierdie dinge kan uit styg is omdat hierdie liefde gebaseer is op ‘n besluit. Dit behels onder andere die besluit om proaktief iemand anders se voordeel te soek. Omdat Agape liefde nie ‘n gevoel is wat gebaseer is op hoe ek behandel is nie, kan dit bestaan binne in ‘n vyandige situasie. Byvoorbeeld, soos Jesus ons in Luk 6:35 leer om ons vyande lief te hê.

Jesus verklaar ook dat die wêreld sal weet dat ons Sy dissipels is as ons met Agape liefde optree (Joh 13:35).

Dit beteken dat ons die beste vir ons maat wil hê, dat ons soos Jesus ons maat behandel en nie moed op gee op ons maat al verdien hy/sy dit nie. Wanneer ons kies om met hierdie liefde lief te hê in ons huwelik kweek ons ook die omgewing waarin Eros en Philo liefde kan ontstaan en styg ons bo ons omstandighede uit.

Vêrder, dit wat jy oor jou maat dink, beïnvloed hoe jy oor hom/haar voel. Jy kan nie slegte gedagtes oor jou maat dink en verlief en lief voel vir hom/haar nie. Dit is hoekom Paulis ons vermaan om slegs aan die goeie en mooi dinge te dink (Fil 4:8).

So, voel jy dat jy nie meer jou maat lief het nie? Miskien moet jy dan bietjie ondersoek in stel oor wat jy oor jou maat dink en wat se besluite jy omtrent hom/haar geneem het. Sodra jy kies om aan die mooi in jou maat te dink en kies om hom/haar lief te hê ten spyte van hoe hy/sy optree, sal dit weer die liefde, vriendskap en romanse in jul huwelik ontvlam.

Onthou liefde is nie ‘n gevoel nie maar ‘n keuse wat tot ‘n gevoel oorloop. Kies vandag om jou maat lief te he en beleef hoe God jou huwelik oprig tot dit wat Hy bedoel het dit moet wees: gevul met liefde, kameraadskap, eenheid, vreugde, vervulling en self romanse.

Bronne:

Newton, B. (2002). A Short Handbook on Love. http://www.sjchurchofchrist.org/agape.shtml

Indien jy enige hulp benodig in die area voel asb. vry om my te skakel by 082 922 5081.

Hoekom is romanse in die huwelik belangrik?

burgerjonandaLeave a comment

Het jy al ooit romantiese verlowings stories gehoor? Ek het al soveel sprokies verlowing stories gehoor. Daar is geen einde aan ons inisiatief wanneer ons die een wat ons lief het probeer wen nie.

So wat is dit aangaande die huwelik wat veroorsaak dat ons romantiese kreatiwiteit verflou? Op een of ander punt in min of meer elke huwelik besef die egpaar dat hulle verlowing die opwindende inleiding was tot ‘n vervelige boek.

‘n Daaglikse diet:

Romanse is nie die fondasie van ‘n huwelik nie. dit is die vuur in die kaggel – die warmte en sekuriteit van ‘n verhouding wat sê: “Ons mag probleme ondervind maar ek het jou lief en alles is reg!” Ons moet romanse deel maak van ons alledaagse diet in ons huwelik.

Kyk wat se die Bybel in Spreuke 5:18-19: “Sing die lof van jou eie fontein, verheug jou oor jou eie vrou, so vol liefde, so mooi soos ‘n takbok, soos ‘n ribbok. Geniet voluit van haar liefkosings, laat dit jou deurentyd bedwelm.”

Dit is ‘n baie kragtige beeld – om letterlik deur jou maat bedwelm te word. Hierdie tipe romanse is wat ‘n huwelik onderskei van ‘n gewone vriendskap. Jou huweliksmaat moet jou vriend wees maar jul verhouding moet ook vêrder as dit gaan – julle moet ‘n huweliksbed deel, saam drome droom en intimiteit deel wat met geen ander persoon op hierdie aarde gedeel word nie. Dit is wat God bedoel het met die huweliks verhouding.

God het romanse geskep:

Dit is interessant om te sien dat God romanse so belangrik ag dat Hy ‘n hele boek in die Bybel, Hooglied, daaraan toegewy het sodat ons bemoedig sal word om dit te ervaar. Hierdie poëtiese boek verskaf ‘n ryk beskrywing van wat ‘n romantiese, seksuele verhouding tussen man en vrou moet wees. Kyk net hoe begin die boek in Hooglied 1:2a & 4a:

“Soen my, soen my weer en weer! Jou liefkosings is beter as wyn … Vat my saam met jou, kom ons hardloop.”

Deur die hele boek praat Salomo en sy geliefde entoesiasties oor romanse, seksuele liefde en mekaar se liggame. Romantiese liefde is deel van God se karakter. Hy het ons geskape na Sy beeld en het ons Sy emosies gegee. Net soos God ons aanmoedig om Hom te volg en ons liefde aan Hom te openbaar, moet ‘n man en vrou ook strewe om mekaar se toegeneentheid en liefde te wen.

Ons kan argumenteer dat ‘n egpaar modelleer wat God doen as Hy ‘n individue najaag. Dus is ons romantiese verhouding met ons maat ‘n getuienis oor hoe God verlorenes najaag. Hoe getuig jou romanse vir jou man/vrou van God se romanse vir die wêreld?

Oswald Chambers skryf in sy boek My Utmost for His Highest: “Human nature if it is healthy demands excitement. And if it does not obtain thrilling excitement in the right way it will seek it in the wrong. God never made bloodless stoics, He made passionate saints.”

Dit is hoe God sy mense lief het. Hy het ons geskape om opwinding, avontuur en sensasie te beleef. Romantiese liefde was bedoel om ons op ‘n stabiele stroom deur ons hele getroude lewe van ons voete af te sweep. Terwyl mens nie die huwelik totaal op romantiese gevoelens kan baseer nie, kan mens ook nie die menslike behoefte aan nabyheid en intimiteit ontken nie. sonder daardie kwaliteite in ‘n huwelik sal ‘n paartjie gedryf word tot isolasie.

Ontvlam weer die vuur:

Maak nie saak hoe goed ons huwelik is nie, meeste van ons kort meer romanse in ons huwelik. Christen huwelike was bedoel om ‘n opwindende avontuur te wees. So as jy die ‘spark’ terug in jou huwelik wil bring het Dennis en Barbara Rainey die volgende twee rade:

Word ‘n student van jou maat:

Mans en vroue sien romanse verskillend. Mans fokus op die fisiese: mooi nagklere of ‘n avontuurlustige seksuele ontmoeting. Vrouens word gemotiveer deur verhouding. Hulle mag dit eerder verkies om by ‘n vuur te sit, om tyd te spandeer om te gesels.

Neem dus elke dag die tyd om jou maat te bestudeer en om agter te kom wat sy/haar voorkeure is. Vra vrae oor wat hy/sy sal geniet en leer jou maat werklik ken.

Neem tyd om kreatiewe romanse te beplan:

Doen iets anders en buite gewoonte, iets wat jou maat se aandag sal vas vang. Neem tyd om die romantiese geleentheid te beplan en moet nie net iets doen om te sê dat jy romanties was en probeer het nie. doen dit asof jy die vir die Here doen – met uitnemendheid, passie en absolute entoesiasme. As dit jou nie motiveer nie, doen dit dan asof jy dit vir jou baas doen en dat jy betaal sal word vir jou moeite en vindingrykheid! Maak elke romantiese geleentheid asof dit die enigste en laaste keer is wat jy vir jou maat kan sê en wys hoe lief jy hul werklik het, asof dit sy/haar laaste dag is op aarde.

Die laaste raad wat ek kan gee is:

Hou aan maak nie saak wat nie:

Miskien reageer jou maat glad nie soos jy gehoop het hy/sy moet nie, dalk doen jou maat nie iets romanties terug vir jou nie, dalk flop jou eerste pogings onherstelbaar – hou net aan en bly volhard. Sukses en romanse sal kom met tyd en oefening. En jy sal die vrug van jou handwerk pluk. Jy kan niks verloor nie en al hoe jy kan verloor is as jy moet op gee!

Bronne:

Chambers, O. (1963). My Utmost for His Highest. Michigan: Discovery House Publishers.

Rainey, D. & Rainey, B. 1994. Simply Romantic Nights. Arkansas: Family Life.

Indien jy hulp en ondersteuning nodig het of huweliksberading benodig kan jy my gerus skakel by 082 922 5081.

Family life het ook die volgende boeke beskikbaar as hulpmiddele:

Moments Together for Couples.

Two Hearts are better than One.

Jesus liefde: Jonanda Burger

Rolle in die huwelik

burgerjonandaLeave a comment

Deur Jonanda Burger

Die Bybel stel spesifieke en duidelike rolle vir ’n man en ’n vrou vas wat noukerig verstaan en prakties uitgevoer moet word.

Die wete dat God se voorskrifte vir ons nie beperkend is nie maar beskermend, help ons om met vrymoedigheid hierdie rolle te vervul omdat God se wil vir ons die beste insluit en uitloop op die lewe.

In die huwelik het beide man en vrou “kernrolle” en “kern reaksies”. ’n Kernrol is ’n essensiele funksie, wat God aan mans en vrouens gegee het om te vervul, binne ’n huweliksverhouding.

’n Kern reaksie is ’n primêre reaksie, wat God van mans en vrouens verwag wat hulle eggenotes in staat stel en aan moedig om hul kernrolle te vervul.

God se kernrol vir die Man: Dienaar – Leier:

Ef 5:23 sê: Die man is die hoof van die vrou, soos Christus die hoof van die kerk is. Christus is ook die Verlosser van die liggaam, sy kerk. Volgens hierdie gedeelte is Jesus Christus die model vir ‘n man se dienaar-leierskap.

Vêrder sê Mar 10: 43-45: Jesus roep hulle toe nader en sê vir hulle: "Julle weet dat dit by die nasies so is dat hulle sogenaamde regeerders oor hulle baasspeel en dat hulle groot manne die mag oor hulle misbruik. Maar by julle moet dit nie so wees nie. Elkeen wat in julle kring groot wil word, moet julle dienaar wees; en elkeen onder julle wat die eerste wil wees, moet julle almal se dienaar wees. Die Seun van die mens het ook nie gekom om gedien te word nie, maar om te dien en sy lewe te gee as losprys vir baie mense."

Ons kan drie tipes leierskap in die huwelik onderskei. Jesus se leierskap en die wêreld se leierskap: baasspelerige leier en passiewe nie-leier. As watter een kan jy jouself of jou gesin jou as klassifiseer?

In die huweliksverhouding roep God die man om ‘n dienaar-leier te wees. Dit is sy kernrol. Sy leierskap moet soos Jesus sin wees. ‘n Dienaar-Leier dien soos Jesus en het lief soos Jesus! Hy is ‘n kombinasie van beide ‘n dienaar en ‘n leier. Ef 5:25 verklaar: Mans, julle moet julle vrouens liefhê soos Christus die kerk liefgehad en sy lewe daarvoor afgelê het.

Kernreaksie van die Vrou op die Man se rol: Onderdanigheid:

Ef 5: 22-24: Vrouens, wees aan julle mans onderdanig, net soos julle aan die Here onderdanig is.

Die man is die hoof van die vrou, soos Christus die hoof van die kerk is. Christus is ook die Verlosser van die liggaam, sy kerk. Soos die kerk aan Christus onderdanig is, moet die vrouens in alles aan hulle mans onderdanig wees. Onderdanig beteken om die man die volmag te gee om die leier te wees; dit is ‘n vrou se kern reaksie op haar man se dienaar-leierskap. As die vrou kies om onderdanig te wees moedig dit haar man aan om sy rol as dienaar-leier te vervul.

Die pleidooi in vers 22 is per slot van sake tussen die vrou en haar Here is. Dus, den spyte van haar mans se optrede moet die vrou daarna strewe om hierin gehoorsaam aan God te wees.

God se kernrol vir die Vrou: Helper-Tuisteskepper:

Gen 2:18 sê: Vêrder het die Here God gesê: Dit is nie goed dat die mens alleen is nie. Ek sal vir hom iemand maak wat hom kan help, sy gelyke. Hieruit kan mens baie duidelik agterkom dat die vrou geskape is as die man se helper.

Maar om helper te wees is nie ‘n minderwaardige rol nie. In Heb 13:6 staan daar: Daarom kan ons met vertroue sê: "Die Here is my helper, ek ken geen vrees nie: wat kan ‘n mens aan my doen? God beskryf Homself hier as ‘n helper en daarom kan die vrou met blydskap en trots die rol van helper vervul.

‘n Akkurate begrip van die vrou se rol as helper wys hoe essensieel hierdie rol is om die man te voorsien met wat hy nodig het om ‘volledig’ te wees. Vrouens is op ‘n unieke wyse toegerus om die leemtes wat mans in hulle lewens het, te vervul.

Die teenoorgestelde van helper is mededinger. Mededingers gebruik hul maats se swakhede om die oorhand te kry. ‘n Kompeterende vrou dryf ‘n man tot aggressie, vergelding en onttrekking eerder as sorgsaamheid, ondersteuning en voorsiening in die vrou se behoeftes.

Help jy jou maat en op watter maniere kan jy jou eggenoot meer help?

Kernreaksie van die Man op die Vrou se rol: Lof en Eer:

1 Per 3:7: Mans, julle moet verstandig met julle vrouens saamleef. Bewys eer aan hulle as die swakker geslag wat saam met julle deel in die lewe as genadegawe. Dan sal julle kan bid sonder dat iets julle hinder.

Lof en eer is die manlike ekwivalent van onderdanigheid. Dit is die kern reaksie op lof en eer wat die vrou aanspoor en in staat stel om haar roeping as helper-tuisteskepper te vervul.

Bronne: Voorbereiding vir die Huwelik: ‘n hulpbron van familylife

Indien jy uitdadings in hierdie area van jou lewe het en bemoediging benodig is jy welkom om Jonanda te skakel by 082 922 5081.

Konflik oor kontant: wat is onder die oppervlakte?

burgerjonandaLeave a comment

Deur Jonanda Burger

As jy en jou maat voortdurend oor geld sake stry is dit dalk tyd om onder die oppervlakte te kyk!

Mitch Temple argumenteer dat finansiële konflik soos dit tip van ‘n ysberg is. En dat as ons na ‘n ysberg kyk sien ons slegs ‘n klien stukkie van die ysberg, die grootste deel van die ysberg, 80-90%, word onder die water weg gesteek.

Net so sien baie egpare geld as die oorsaak van hul huweliks konflik terwyl die ware bron van hul konflik iets groter is wat onder die oppervlakte skuil.

Indien mens gereeld oor finansies vas sit is dit maklik om finansies as die ware probleem te sien. Maar die feit dat dieselfde finansiële argumente oor en oor plaas vind sonder om opgelos te word dui aan dat die ware probleem iets dieper is. Daardie “iets dieper” is wat mens ‘n kern saak noem. As daar nie met kern sake afgehandel word nie, sal oppervlak sake – soos finansies – aanhou op duik. Dit is soos om ‘n opgeblaasde ballon onder die oppervlakte van die water te probeer hou. Jy probeer ter vergeefs om die ballon af te druk maar dit hou aan om weer op te kom.

Hier is ‘n paar vrae wat jy jouself kan afvra om vas te stel wat onder die oppervlakte lê?

Het ons ‘n defek in ons kommunikasie? Indien mens misluk om mens se emosies, gedagtes, behoeftes, voorkeure ens. te kommunikeer word jou maat daaraan oorgelaat om te raai wat dit is? Die raai spel lei gewoontelik tot misverstande wat tot emosionele wonde en selfs verwyte kan lei.

As die enigste keer wanneer jy oor finansies probeer gesels is wanneer jy alreeds ontsteld of kwaad is sal jou emosies in die pad staan, die gesprek sal heel moontlik tot harde woorde lei en in ‘n doodloop straat eindig. Dit is belangrik dat daar oor sensitiewe sake gesels word op ‘n manier wat gemaklik vir julle albei is.

Probeer om jou behoeftes en bekommernisse neer te skryf eerder as om dit te probeer te verduidelik wanneer jy emosioneel is. Wees duidelik oor wat jy benodig van die ander persoon aangaande spandering, begroting, hulp met balansering van die tjek boek en hoe om uit finansiële gate te kom. Moenie jou gesprek met ‘n negatiewe toon begin nie en verwag dat iets positief uit die gesprek sal kom.

Wees goedgesind en hartlik teenoor mekaar … (Ef 4: 32).

Huisves ek nog onopgeloste seer of verwyte? Somtyds is dit makliker om oor geld te argumenteer as om te erken dat mens nog seer gevoelens het. Indien jou maat jou seer gemaak het en jy huisves nog steeds daardie pyn, of selfs verwyte, sal jy alles deur daardie filter van pyn sien. Wanneer jou maat finansiële sake bespreek sal jy heel moontlik makliker oorreageer.

Skraap eerder die moed bymekaar om met die pyn af te handel as wat pyn en verwyte jul verhouding belemmer. Bring dit op ‘n gesonde manier in die lig. Doen dit voordat julle finansiële sake bespreek. Sodoende sal julle finansiële sake kan bespreek sonder die las van emosionele bagasie.

As julle kwaad word, moenie sondig nie en moenie ‘n dag kwaad afsluit nie (Ef 2:26).

Is ek bang om die waarheid in die lig te bring? Is jy bang om oor geld te praat omdat jy bang is dat jou maat sal agterkom dat jy dwase besluite geneem het aangaande geld, dat jy geld spandeer het wat jy nie moes nie, dat jy nie sekere rekeninge betaal het nie, of dat jy ander finansiële geheime het.

Oneerlikheid bring altyd ‘n negatiewe uitkoms ten vore. Jou optrede sal selde positief aanvaar word indien jy ‘n groot finansiële besluit neem sonder om jou maat in ag te neem of dit met hom/haar te bespreek. As jy iets weg gesteek het wat jy gedoen het of nie gedoen het nie is die ware probleem nie finansies nie maar om eerlik te wees. Oneerlikheid vernietig vertroue. Wanneer vertroue vernietig is sal jou maat jou nie vertrou om toekomstige besluite te neem nie wat tot gevolg kan hê dat jy verwyte koester en die hele kringloop hom self herhaal. Vertroue moet herbou word in ‘n huwelik voordat sensitiewe en belangrike sake soos finansies behoorlik aangespreek kan word.

Wat julle moet doen, is dit: Praat die waarheid met mekaar, laat die waarheid en die reg geld in julle regspraak sodat daar vrede onder julle kan wees (Sag 8:16).

Deur te kommunikeer op ‘n duidelike en liefdevolle manier, ontslae te raak van emosionele bagasie en om eerlikheid na te streef, sal jy en jou maat ‘n stewige en egalige fondasie lê waarop julle jul finansiële toekoms kan bou.

Bronne:

Temple, M. Cash Clash. Focus on the Family.

Indien jy hulp of ondersteuning nodig het in hierdie area van jou lewe of in jou huwelik kan jy my gerus skakel by 082 922 5081 vir ‘n afspraak.

God se doel met die huwelik

burgerjonandaLeave a comment

Deur Jonanda Burger

Om die antwoord te kry op hoekom God die huwelik ingestel het moet ons terug gaan na die Boek van oorspronge. Dit is daar waar ons drie Goddelike doelwitte vir die huwelik sal ontdek:

Wederkerige aanvulling:

In Gen 2:18 lees ons: “Verder het die Here God gesê: "Dit is nie goed dat die mens alleen is nie. Ek sal vir hom iemand maak wat hom kan help, sy gelyke."

Wanneer God jou roep om te trou, gee Hy vir jou ‘n maat wat volgens Goddelike plan jou sal voltooi. Jou maat vul jou plekke tekortkominge aan en jul vul jou maat se tekortkominge aan.

Saam is julle sterker en meer effektief as wanneer julle alleen bly.

Byvoorbeeld, ek is baie georganiseerd en taak georiënteerd. My man is weer meer van ‘n dromer en geniet die lewe ten volle. So vul ons mekaar aan dat ek hom help om dinge te onthou en te vind. Hy help my weer om af te skakel en die mooi in die lewe te geniet.

Pasop dat die mooi wat julle in die begin na mekaar aangetrek het nou die oorsaak van jul bakleiery is nie. Sien die andersheid van jou maat eerder as die aanvulling in jou lewe sodat jy voluit kan leef.

Vermenigvuldiging van ‘n Goddelike erfenis:

Gen 1:28 wys ons na die tweede doel vir die huwelik: “Toe het God hulle geseën en vir hulle gesê: "Wees vrugbaar, word baie, bewoon die aarde en bewerk dit.”

Kinders is nie alleen ‘n geskenk en seën nie maar ook ‘n essensiële deel in God se plan om Sy Woord oor te dra aan die volgende geslag. Alhoewel nie elke paar hul eie kinders kan hê nie, is dit God se bedoeling dat elke paar tot in die volgende geslag sal bedien. Dus hul geloof in God oor te dra sodat die volgende geslag op hulle beurt dit kan oordra na die volgende.

Dit was God se oorspronklike plan dat die gesin ‘n “kweekhuis” sou wees waar kinders opvoeding sal ontvang in karakterbou, waardes en integriteit. In geen ander omgewing leer ‘n kind meer van die lewe en hoe om ‘n verhouding met God te hê nie.

Om God se beeld uit te dra:

In Gen 1:26-27 het God gesê: "Kom Ons maak die mens as ons verteenwoordiger, ons beeld, sodat hy kan heers oor die vis in die see, die voëls in die lug, die mak diere, die wilde diere en al die diere wat op die aarde kruip." God het die mens geskep as sy verteenwoordiger, as beeld van God het Hy die mens geskep, man en vrou het Hy hulle geskep.”

God het ons geskape om Sy beeld uit te dra. Dit beteken dat God gekies het om iets van Sy karakter en wese aan ons te openbaar deur ons verhoudings.

Byvoorbeeld, wanneer my man my liefdevol omhels en onvoorwaardelik aanvaar nadat ek hom seer gemaak het, weerspieël hy ons God wat ons onvoorwaardelik lief het en in Christus vergewe het.

Wanneer ‘n man en vrou verenig in ‘n huwelik waarin God die middelpunt van hulle verhouding is, sal hulle Sy beeld weerspieël. Die wêreld sal in so ‘n verhouding die uitbeelding sien van God en Sy liefde, vergifnis en geduld.

Lewe jy hierdie doelwitte in jou huwelik uit? Wat kan jy doen om dit deel van jou optrede teenoor jou maat te maak?

Bron: Rainey, D. 2002. Voorbereiding van die huwelik. FamilyLife

60 Starter Ideas to have an affair — with your own spouse!

burgerjonandaLeave a comment

By Dawn J. Lipthrott, LCSW

Is your relationship suffering from boredom, stagnation or just a case of the blahs? Do you feel like you have fallen out of love with your spouse?

Jump start fun and romance with these tips.

1. Call your partner unexpectedly just to say you love him/her and were thinking of him/her.

2. Call your spouse just to tell them one thing you appreciate about them.

3. Send your spouse flowers (home, office, hotel room) "just because", or ‘thank you for. . ." etc..

4. Send a fax or email to work saying that you love your partner and can’t wait to be with him/her again.

5. Pick up flowers or dinner on the way home and surprise your partner. (If dinner, you might want to call and feel things out first!)

6. When you come home, find your partner and just hold him/her close for a moment (prolonged hug)–no words necessary.

7. Call your partner at 10:00am and tell them you are going to take them out to lunch.

8. Call your partner, tell them you’ll meet them for lunch, pick up cheese, crackers, and then find a place to make love!

9. When you walk by your partner at home, touch him/her, or give a hug, or caress.

10. Wake up to the day as if it was ‘the first time’ you were alone with your spouse. Greet him/her enthusiastically. Sit and just look lovingly at him/her for a few moments. Ask about them and their day and just listen and try to let them know you understand (even if you disagree)–no problem solving unless asked for!

11. Write a note and put it where your partner will find it during the day. Tell the person loving things.

12. Make a list of 10 things you love about your partner and leave it where they will find it (or mail it).

13. Try a new way to make your love-making more sensual and prolonged. (Can use candles, incense, longer foreplay, times of just kissing and holding, caressing, etc.)

14. When you go to bed, sleep naked together without sex. Just hold your partner or snuggle next to him/her so your bodies touch.

15. Just hold your partner in bed (can be dressed) without sex until one of you falls asleep.

16. Bring home balloons (or hide them and put them out at night after your partner goes to bed) with a note or sign with something like "I celebrate YOU!" "You are wonderful!" or something similar.

17. Pamper your partner one evening. (Examples: If watching TV, ask partner if would like anything–offer to put stool under feet or take off shoes and massage feet. If cooking dinner, volunteer to clean up, do dishes while partner just relaxes. Give back rub. Put on soothing music. etc…)

18. Next time you kiss, pause, look into your partner’s eyes remembering what it was like when you first met. Touch his/her face. Trace his/her lips with your finger. Slowly bring your lips to theirs–first gently kissing his/her upper lip, then lower lip. After the kissing is finished, just hold each other a few moments longer.

19. Plan a ‘date’–arrange for baby-sitters, clear calendar, etc. (Good to do this one once a week or at least every two weeks!)

20. ‘Surprise’ your partner by taking them someplace they have said they wanted to go–a sporting event, a concert, a restaurant, etc. Do it even if it isn’t something you like. Enjoy your partner enjoying it and do it simply for love.

21. Make a list of 10 romantic things to say to your partner and say them from time to time throughout the week.

22. Create a romantic dinner either out or in.

23. Take a bath together with bath oils, or bubbles, and candles.

24. Do what you would do for an anniversary on a regular day–just because.

25. Buy a gift for your partner–it can be a blouse or shirt s/he wanted–or something simple and inexpensive.

26. Plan a picnic in the park (or your own yard, or living room).

27. Even when you still have chores to do, take the day off, go to a movie or do something else fun.

28. Call your partner unexpectedly during the day and talk sexy to him/her, telling them how much you long to feel him/her, etc.

29. Plan a surprise getaway weekend for just the two of you–arranging for baby-sitters.

30. Greet your partner at the airport with a balloon or flower and enthusiastic ‘welcome home’.

31. Take out an ad in the Lost and Found with something like "I’ve found love with you." or something similar. Have a florist deliver a rose, the newspaper and a note telling him/her which page to turn to and where the ad is.

32. Make sure your partner can sleep in one weekend morning. Take care of telephone, kids, dogs, etc.

33. Leave your favorite romantic song on your partner’s voice mail or answering machine.

34. Give your partner a massage (create climate with candles, etc.)

35. Sit and talk about fun and romantic times in your relationship–when you were dating, first married, etc.

36. Write a short poem (even if it doesn’t rhyme and even if you think you could never write poetry) telling of your love. You can start with lines like, "Like the light of a harvest moon. . ." "Heart to heart. . ." "Like the water caresses the sand. . ." etc.

37. Lip sync a romantic song for your partner after dinner one night.

38. Bring home or to the office your partner’s favorite sweet thing.

39. Leave a flower on the pillow before your partner goes to bed–even if it is one you pick from your own yard.

40. Take the afternoon off and just go someplace with your partner.

41. Plan a ‘secret rendezvous’ in your own town, in the city where your partner is on business, etc.

42. Send your partner a postcard when you are out of town saying you were thinking of him/her and love him/her. It doesn’t matter if you get home before the postcard does!

43. Write a love letter as if you were just falling in love with the person.

44. Tell your partner you that instead of watching TV tonight (or doing work, or fussing with the kids, etc.), you simply want to be with them.

45. Go for a walk together after dinner, holding hands and remembering good times you’ve had.

46. Write "I love You!" on the bathroom mirror with lipstick or shaving cream.

47. Shower together.

48. Paint a heart or something else on your partner’s body with whipped cream, chocolate syrup, and lick it off slowly, and saying "MMMMMMMmmmmmmm".

49. Tell your partner before you go to bed, or before you leave in the morning, one of the things you love most about him/her (quality, physical characteristic, behavior).

50. Agree to meet at a social event or public place and act as if you are meeting each other for the first time—flirt, make ‘eyes’ at each other or other gestures from across the room, rub against each other when walking by, etc.

51. Go skinny dipping in pool or hot tub or at the beach.

52. Test drive a Porsche or a convertible with the top down and pretend you are seeing each other although it has been ‘forbidden’ by your parents.

53. When your partner is coming home late in the evening (after meeting, etc.), have bed turned down, hot bath ready with flower petals floating in it and candles.

54. Rent a video you know your spouse would like or liked in the past, make popcorn and have an evening together like teenagers.

55. Create your own ‘slumber party’ for just the two of you.

56. Drive to the beach and go for walks on the beach holding hands.

57. When you have to go out of town on business, add an extra day and invite your spouse to join you for all or part of your trip.

58. Undress your partner as if it were the first time–slowly, touching their body as you go.

59. Make sexy comments to your partner throughout the evening.

60. Use your imagination—this is a person you are just falling in love with (again!)–be creative in ways to express that, be together, etc.

Indien jy hulp of ondersteuning nodig het in hierdie area van jou lewe of in jou huwelik kan jy my gerus skakel by 082 922 5081 vir ‘n afspraak.

5 Stappe om konflik in jou huwelik op te los

burgerjonandaLeave a comment

Konflik is algemeen in alle huwelike. Neem twee selfsugtige mense met verskillende agtergronde en persoonlikhede. Voeg nog slegte gewoontes by, ‘n klomp verwagtings en maak dit nog meer warmer met daaglikse uitdagings. Raai wat? Jy sal definitief konflik beleef. Dit is onvermydelik.

Aangesien alle huwelike konflik beleef is die vraag nie hoe om die konflik te voorkom nie maar hoe om konflik op te los.

Die volgende stappe kan gevolg word om konflik in die huwelik op te los:

Ken, aanvaar en pas aan by jou maat se verskille:

Teenoorgesteldes trek mekaar aan. Dit is hoekom jy met jou maat getrou het. Die andersheid in hom/haar het jou aangetrek. Maar nadat mens trou verander hierdie aangetrokkenheid baie keer in die dinge wat mens af sit.

Dit is belangrik om hierdie verskille in jou maat te verstaan en dan om dit te aanvaar en daarby aan te pas. Net soos Adam God se geskenk van Eva aanvaar het, word jy ook geroep om God se geskenk vir jou te aanvaar. God het jou ‘n maat gegee wat jou aanvul op maniere wat jy nog nie eers besef nie.

Vernietig selfsugtigheid:

Al die verskille tussen jou en jou maat word vergroot omdat dit voed op die grootste bron van konflik – ons selfsugtige, sondige natuur.

Die antwoord tot selfsugtigheid kan gevind word in Jesus en Sy Woord. Hy het ons gewys dat in plaas daarvan dat jy eerste wil wees moet jy laaste wees. In plaas daarvan dat jy bedien wil word moet jy ander bedien. In plaas daarvan dat jy jou lewe wil behou moet jy dit verloor. Jy moet jou maat lief hê soos jy jouself lief het. In kort, as jy selfsugtigheid wil oorwin moet jy op gee, oor gee en alles gee!

Jaag jou maat na:

As mens in vrede met jou maat wil lewe moet mens vrede najaag. Dit beteken dat jy die inisiatief moet neem om konflik op te los eerder as om te wag dat jou maat die eerste stap neem. Dit beteken jy sal jou eie seer, kwaad en bitterheid een kant moet sit en die vrede moet najaag.

Liefdevolle konfrontasie:

In plaas daarvan om jou maat aan te val, te kritiseer en te blameer moet jy jou maat met liefde en genade nader wanneer jy oor ‘n saak wil praat.

Ondersoek jou motivering, jou houding en die omstandighede. Bespreek net een saak op ‘n slag en fokus op die probleem en nie die persoon nie. Probeer jou maat te verstaan en luister aandagtig wat hy/sy sê.

Vergewe:

Maak nie saak hoe hard twee mense probeer om mekaar lief te hê en tevrede te stel nie, hul sal mekaar teleurstel. Saam met teleurstelling kom pyn. En die enigste volkome verligting vir pyn is vergifnis.

Die sleutel tot ‘n oop, intieme en gelukkige huwelik is om vir vergifnis te vra en om vergifnis vinnig aan te bied. En die moontlikheid om dit te doen hang af van elke persoon se verhouding met God. Hoe meer ons besef hoe God ons volkome vergewe, wat Hy vir ons gedoen het en dat Hy dieselfde van ons verwag hoe makliker sal die proses geskied.

Vergifnis beteken om die wraak, kwaad en behoefte om te straf op te gee. Jy maak die ander persoon vry deur ‘n besluit te neem – ‘n keuse te maak.

Ons hoop:

Maak nie saak hoe moeilik dit is om deur konflik in die huwelik te werk nie, jy kan altyd vas hou aan God se beloftes. God sê nie alleenlik dat Hy jou moeite en handewerk sal seën nie maar dat Hy ‘n doel vir elke moeilikheid en versoeking het (1Pet1:6-7).

God se doel vir konflik is om jou geloof te toets, om uithouvermoë te bewerkstellig, om jou meer soos Jesus te maak en glorie aan Homself te bring. Dit is die hoop wat God ons gee: dat jy jou konflikte kan benader asof dit ‘n geleentheid is om jou geloof te versterk en aan God eer te bring.

Jesus liefde: jonanda

Bron:

Rainey, D. Staying Close. Thomas Nelson Publishers.

Indien jy hulp of ondersteuning nodig het in hierdie area van jou lewe of in jou huwelik kan jy my gerus skakel by 082 922 5081 vir ‘n afspraak.

ONVOORWAARDELIKE LIEFDE

burgerjonanda2 Comments

Wat is dit?
Onvoorwaardelike liefde is die liefde wat gemaak het dat God Sy Seun vir ons aan die kruis laat sterf het vir ons sondes. Dink gou hieraan: op hierdie huidige oomblik is daar niks wat jy kan doen wat kan maak dat God jou liewer sal hê nie en niks lelik wat jy kan doen wat kan maak dat Hy jou minder lief sal hê nie. Onvoorwaardelike liefde is die liefde wat God vir ons het en dit beteken dat Hy ons lief het net soos ons is, met al ons foute. Onvoorwaardelike liefde gaan eintlik oor God se karakter, Hy gee hierdie liefde vir ons oor wie Hy is en nie oor wie ons is of wat ons doen nie.

God verwag dat ons ook hierdie onvoorwaardelike liefde moet uitleef teenoor ons medemens en veral in ons huwelik teenoor ons eggenoot.

Hoe lyk onvoorwaardelike liefde in my huwelik?
Onvoorwaardelike liefde is ‘n keuse en nie ‘n gevoel nie. Dit is ‘n besluit wat jy maak om iemand lief te hê ten spyte van van wie of wat hul is, hoe hul optree teenoor ons of wat hul doen (of nie doen nie). Die fokus van onvoorwaardelike liefde is om die behoeftes van die ander persoon te bevredig. Dit is die grootste geskenk wat jy jou maat kan gee. Dit is nie gebasseer op hul optrede nie maar op jou begeerte om hom/haar lief te hê soos Christus jou lief het. Met ander woorde sonder enige voorwaardes.

Hoekom onvoorwaardelike lief hê?
God verwag onvoorwaardelike liefde van ons. Sy wette/opdragte is nie beperkend nie maar beskermend. Dit is soos ‘n pa wat vir sy dogter sê om 23:00 by die huis te wees na die fliek. Hy sê dit nie om haar te beperk nie maar te beskerm. Net so sê God vir ons om sekere dinge te doen en ander nie omdat Hy ons ook wil beskerm en Hy weet wat se voordeel daarin is vir ons.

Onvoorwaardelike liefde gee heel eerste vir mense ‘n veilige plek om te kan verander. In plaas daarvan om druk op iemand te plaas om te verander, sê onvoorwaardelike liefde “ek het jou lief” of jy nou verander of nie. Wanneer mense dié veiligheid beleef kan en sal verandering outomaties geskied. Maar wanneer iemand forseer word om te verander kan so ‘n persoon opstandig raak en rebelleer teen enige verandering. Die persoon kan ook vrees ervaar wat verandering bemoeilik.

Onvoorwaardelike liefde gee aanvaarding vir mekaar. Iets wat ons so nodig het in die wêreld. ‘n Plek waar mens mens self kan ontdek en sodoende ook kan groei en ontwikkel tot dit wat God wil hê ons moet wees.

Onvoorwaardelike liefde kan ons huwelike red. Dit vernietig die 50/50 persent beginsel van die wêreld en laat ons toe om ons alles, ons beste, ons 100% vir ons maats te gee tot eer van God.

Hoe kry ek dit reg?
Maak ‘n keuse en toevertrouing om jou eggenoot onvoorwaardelik lief te hê. Alles begin met ‘n keuse.

Dit is belangrik dat ons God se onvoorwaardelike liefde vir onsself ervaar en begryp. Daarom moet ons vir God vra om deur Sy Heilige Gees hierdie liefde aan ons te openbaar. Wanneer ons die aanvaarding en liefde beleef gaan dit vir ons baie moeilk wees om dit nie ook met ander te deel nie.

Ons moet God vra om ons te help om vir ander lief te wees soos Hy ons lief het. Die Woord sê dat wanneer ons volgens God se wil iets vra sal God dit vir ons gee. Dit is Sy wil dat ons vir ander onvoorwaardelik lief moet wees! Dan moet ons God vra om ons te vervul met Sy Heilige Gees sodat ons Sy wil sal volg en nie ons eie sondige natuur nie.

Dit is ook baie belangrik om tyd te spandeer in God se Woord en Sy teenwoordigheid. Hoe meer tyd ons met God spandeer hoe meer sien ons wie Hy werklik is en Hoe meer kan ons verander word om aan Sy Seun gelykvormig te word. Hoe meer ons die Bybel lees hoe meer sal ons geloof kry en hoe meer sal die mense in ons lewe onvoorwaardelik lief kan hê.

Ek moedig jou aan om jou beste lewe nou te leef en jou eggenoot uit sy/haar sokkies uit lief te hê. Onthou niemand is perfek en as ons gaan wag dat mense foutloos moet wees voordat ons lief gaan wees vir hulle, sal ons nooit niemand lief hê nie.

Skrif om oor na te dink:
2Kor 3:18 Ons almal weerspieel die heerlikheid van die Here, want die sluier is van ons gesigte af weggeneem. Ons word al meer verander om aan die beeld van Christus gelyk te word. Die heerlikheid wat uit ons uitstraal neem steeds toe. Dit doen die Here wat die Gees is.
2Kor 5:17 Daarom, as iemand in Christus is, is hy ‘n nuwe mens; die ou dinge het verbygegaan, kyk, dit het alles nuut geword.
Rom 6:11 So moet julle ook reken dat julle wel vir die sonde dood is, maar lewend is vir God in Christus Jesus, onse Here.
Rom 10:17 Die geloof is dus uit die gehoor, en die gehoor is deur die woord van God.
Rom 12:2 En word nie aan hierdie wêreld gelykvormig nie, maar word verander deur die vernuwing van julle gedagtes, sodat julle kan beproef wat die goeie en welgevallige en volmaakte wil van God is.
Eph 1:17 dat die God van onse Here Jesus Christus, die Vader van die heerlikheid, aan julle die Gees van wysheid en openbaring in kennis van Hom mag gee,
Joh 8:32 En julle sal die waarheid ken, en die waarheid sal julle vrymaak.